फाल्गुन १४, २०७३- पोखरामा बर्डफ्लु भेटिएको छ ।

पोखरा– १८ खाल्टेमसिना निवासी मिना परियारले पालेका हाँस कुखुरा मरेपछि जाँच गर्दा बर्डफ्लु पुष्टि भएको हो । स्थानीय प्रशासनले शनिबार बिहान खाल्टेमसिना र आसपासलाई संक्रमित क्षेत्र घोषणा गर्दै पंछिजन्य वस्तु बिक्री वितरण र ओसारपसार नगर्न अपिल गरेको छ ।

परियारको घरमा पालिएका ११ वटा लोकल कुखुरा र १७ वटा हाँस मरेपछि फागुन ६ गते सेम्पलिङका लागि क्षेत्रीय पशुरोग अन्वेषण प्रयोगशाला पठाइएको थियो । क्षेत्रबाट केन्द्रीय पशुरोग अन्वशेषण प्रयोगशाला पठाइएकोमा जाँच गर्दा बढी संक्रमित हुने एच–फाइव एन–वान जिवाणु भेटिएको हो ।

नेपालमा २०६५ साल माघमा पहिलोपटक झापाको मेचिनगरमा बर्डफ्लु भेटिएको थियो ।