क्यापिटल मिडिया ग्रुपका टोलीहरुलाई स्वागत गर्दै होटल उत्सव सञ्चालनमा

क्यापिटल मिडिया ग्रुपका टोलीहरुलाई स्वागत गर्दै होटल उत्सव सञ्चालनमा

५२ पटक पढिएको

ईटहरी । प्रदेश नम्बर १ को मुख्य सहर ईटहरीमा सुबिधा सम्पन्न बिजिनेस होटल, होटल उत्सव सञ्चालनमा आएको छ । शुक्रबार साँझ क्यापिटल मिडिया ग्रुपका (सिएमजी ग्रुप), काठमाण्डौंका टोलीहरुलाई पहिलो पाहुनाको रुपमा स्वागत गर्दै होटल सञ्चालमा आएको हो ।  


इटहरी चोक पूर्वलाईनमा २०० मिटर अगाडी बुढी खोला पुलसंगै हालै निर्माण सम्पन्न भएको होटलमा विभिन्न स्टान्डर्ड, प्रिमियम र स्वीट रुम गरी अत्याधुनिक फर्निसिङ्ग, एसी र एटेज वाथरुम सहितको कोठाहरु मध्यम तथा ब्यापारी वर्गहरुलाई लक्षित गरी होटल सञ्चालनमा ल्याइएको हो । 
होटलको मुख्य आकर्षणको रुपमा होटलको आगाडीको आवरणमा अहिलेसम्मकै ठूलो नेपालको झण्डाको आकर्षक डिजाइन बनाइएको छ । प्रतिष्पर्धाको बजारमा आफुमा केहि नयाँ र नौलो काम गरौ अनि सबै माझ परिचित बन्नको लागि १० वर्षदेखिको सपना अहिले साकार भएको  र आफ्नो ठाउँ र देशलाई चिनाउन अनि सम्मान गरौ भन्ने उद्देश्य सहित यस्तो किसिमको सोच आएको र उक्त झण्डा राखिएको होटल सञ्चालक खेमराज घिमिरेले बताउनुभयो ।  


एउटा बिजिनेस होटलका रुपमा पूर्वाञ्चलमै पहिलो बिशेष सुबिधासहितको उत्कृष्ट ब्यवस्थापनको साथमा सञ्चालनमा आएको उत्सव होटल सार्वसाधारणको लागि चाँडैनै खुल्लाहुने जानकारी व्यवस्थापक युवराज गौतमले जानकारी दिनुभयो । 
सोही अवसरमा सिएमजी पूर्वाञ्चल ब्यूरो संयोजक लोकेन्द्र काफ्लले होटल उत्सव पूर्वाञ्चलकै उत्कृष्ट मध्येको एक होटल र यो होटल विशेषत् सञ्चारकर्मी सहित सम्पूर्ण ब्यवसायीहरुको लागि उत्कृष्ट हुने बताउनु भयो ।