मोरङ प्याब्सनमा बस्नेत  निर्वाचित

मोरङ प्याब्सनमा बस्नेत निर्वाचित

१०१ पटक पढिएको

निजी तथा आवासिय विद्यालय अर्गनाईजेसन नेपाल (प्याब्सन) मोरङको १४ औं जिल्ला अधिवेशनबाट अध्यक्षमा अर्जुन बस्नेत निर्वाचित भएका छन् । विराटनगरमा आइतबार विहान सम्पन्न मतगणना अनुसार निकटतम् प्रतिद्वन्द्वी सुनिल पौडेललाई ४० मत अन्तरले पराजित गर्दै बस्नेत अध्यक्षमा निर्वाचित भएका हुन् । बस्नेतले एक सय २१ मत प्राप्त गर्दा पौडेलले ८१ मत मात्रै प्राप्त गरे । बस्नेत समूहबाट उम्मेदवारी दिनेहरु महिला सह–सचिव बाहेक सम्पूर्ण पदमा निर्वाचित भएका छन् । महिला सह–सचिवमा पौडेल समूहकी मनकुमारी गुरुङ निर्विरोध निर्वाचित भइन ।प्याब्सन मोरङको बरिष्ठ उपाध्यक्षमा शीतला शुब्बा र महिला उपाध्यक्षमा रिना थापा निर्विरोध निर्वाचित भए । शुब्बा र थापा दुबै जनाले बस्नेत समूहबाट उम्मेदवारी दिएका थिए । दुई उपाध्यक्षमा भक्तराज शुब्बा र सुवास राई विजयी भएका छन् । शुब्बाले एक सय ४५ मत र राईले एक सय २५ मत ल्याए । त्यस्तै सचिवमा पौडल समूहका पुष्पविक्रम बस्नेतलाई ५७ मत अन्तरले पराजित गर्दै बस्नेत समूहका प्रेमलालसिंह सुवाल निर्वाचित भए । सुवालले एक सय २८ मत ल्याउँदा बस्नेतले ७१ मत मात्रै ल्याउन सके ।कोषाध्यक्षमा बस्नेत समूहका जगतबहादुर बस्नेतले पौडेल समुहका अमिस रेग्मीलाई २५ मत अन्तरले पराजित गरे । बस्नेतले एक सय १२ मत ल्याउँदा रेग्मीले ८७ मत ल्याए । दुई सह–सचिवमा बस्नेत समूहका सिएम रिजाल एक सय ४३ मत र विष्णु डंगोल एक सय ४१ मत ल्याएर विजयी बने । सह–कोषाध्यक्षमा बस्नेत समूहका देवी सिटौलाले पौडेल समूहका उज्जवल गौतमलाई ८५ मतले पराजित गरे । सिटौलाले एक सय ४० मत ल्याउँदा गौतमले ५५ मत मात्रै ल्याए ।

छ सदस्यका लागि भएको निर्वाचनबाट अमृतप्रसाद ढकाल, केदार पौडेल, ईन्द्र शुब्बा, नगेन्द्रप्रसाद ढकाल, सूर्यप्रसाद गौतम र दीपेन्द्र कर्ण निर्वाचित भए । यसैगरी १६ जना महाधिवेशन प्रतिनिधिका लागि भएको निर्वाचनबाट नेत्रप्रसाद गड्तौला, ईन्द्रप्रसाद घिमिरे, राजु तिम्सिना, हीरा थापा, गोपालप्रसाद पाठक, कमलराज गौतम, भुवन श्रेष्ठ, केदार खनाल, अमित खड्का, तेजबहादुर खत्री, कृष्णप्रसाद गौतम, छवि बास्कोटा, चोलानाथ पोखरेल, चण्डी रेग्मी, भोलानाथ पाण्डे र रविन कन्दग्ङवा निर्वाचित भएका छन् ।प्याब्सन मोरङको १४ औं जिल्ला अधिवेशन शनिबारबाट विराटनगरमा सुरु भएको थियो । अधिवेशनले नयाँ नेत्रृत्व चयन गर्ने भएपछि बस्नेत र पौडेल समूह आ–आफ्नै प्यानल घोषणा गरेर चुनावी मैदानमा उत्रिएका थिए । दुबै समूह मैदानमा उत्रिएपछि नयाँ नेत्रृत्व चयन गर्नका लागि निर्वाचननै गर्नु परेको थियो । बस्नेतलाई सत्ता पक्षिय नेपाल कम्युनिष्ट पार्टी र पौडेललाई नेपाली कांग्रेसको समर्थन थियो ।