साउन- ९, पोखरा
पदम थापा मगर
            साविक काहुँशिवपुर गा.वि.स. वडा नं. ४, चारघरे तनहुँ र हाल ऋषिङ गाउँपालिका वडा नं. २, काहुँ चारघरे तनहुँ निवासी बाबा ढक्कल बहादुर थापा मगर र आमा बिष्णु माया थापा मगरको माहिलो छोरा वर्ष २३ का रमन सिं थापा मगर (गाले) २०६९ सालमा रोजगारको शिलशिलामा छिमेकी देश भारततिर साथीहरूसंग जांदै गर्दा गोरखपुर पुगेपछि बिस्तारै हिनिरहेको रेलमा साथीहरू चढीसकेको र आफु अलि पछि रहेकोले दौडेर रेलमा चढ्ने क्रममा हात फुत्केर रेलको लिगमा खसी रेलले दुईवटै खुट्टा घुंडा भन्दा माथीबाटै काटेपछी हाल उपचार सकाएर गाउँमै बसिरहेका छन् ।

 

निजको घरको आर्थिक स्थिति दयनीय अवस्थ रहेको र उपचारको क्रममा निकै खर्च भईसकेकोले अहिले पीडित रमन सिं र उनको बाबाआमाले सहयोगको अपिल गर्नु भएको छ । रेलवे समितिले केही रकम उपलब्ध गराउछु भनी अश्वासन दिए त पनि सो मुद्दाको लागि दुईतीन पटक लगिसकेको र पीडितको तर्फबाट मुद्दा हेर्ने नेपाली वकिलले पैसा मात्रै माग्ने गरेकोले आफुहरुले पैसा दिन नसकी सो रकमको आश मारिसकेको पीडितका दाजु पदम थापाले जानकारी दिनु भयो ।

रमनसिं शारीरिक रुपमा अहिले तन्दुरुस्त भएता पनि दुईवटै खुट्टा नभएकोले दिसापिसाब समेत ओछ्यानमै कुनै भांडामा गर्नु पर्ने भएकोले एकजना उनको स्याहारसुसारकै लागि घर बस्नु पर्ने उनका आमाले बताउनु भयो । सहयोग गर्न चाहानुहुने महानुभावहरुले रमनसिंको आमा बिष्णु मायाको मोबाइल नं. ९८१६१०९००५ वा निजको दाईको नम्बर ९८४६१४४६९३ मा सम्पर्क गर्न सक्नुहुनेछ ।

 

अथवा रेडियो सारांगी ९३.८ मेगाहर्जको कार्यलय, महेन्द्रपुल पोखरा (०६१-५४१८८३) वा कार्यक्रम प्रस्तोता पदम थापा मगर (९८५६०२९३४६) मा सम्पर्क गर्न सक्नु हुनेछ ।