पहिरोका कारण पोखरा-बागलुङ सडकखण्ड अवरुद्ध

पहिरोका कारण पोखरा-बागलुङ सडकखण्ड अवरुद्ध

१२२ पटक पढिएको

पर्वत, असार २१ । गएरातिदेखि परेको अविरल वर्षाका कारण पहिरो गएपछि पोखरा–बागलुङ सडकखण्ड अबरुद्ध भएको छ ।

सडकखण्डअन्तर्गत पर्वतको मोदी गाउँपालिका वडा नं. ५ भ्याप्लेखोलामा माथिबाट आएको पहिरोले सडक पुँरिदा गएराति १ बजेदेखि नै सडक अवरुद्ध बनेको हो ।

सडक अवरुद्ध भएपछि धौलागिरिका चार जिल्लाका लागि मुलुकका विभिन्न ठाउँबाट गएका सवारीसाधन डिमुवामा रोकिएका छन् ।

धौलागिरिबाट छुटेका सवारीसाधन पनि आम्वोटमै अलपत्र परेका छन् । सडक खुलाउने पहल भइरहेको जिल्ला ट्राफिक प्रहरी कार्यालय पर्वतले जनाएको छ ।

ट्राफिक प्रहरीका निमित्त प्रमुख काशीनाथ चौधरीले वर्षा नरोकिएकाले तत्काल सडक सञ्चालनमा आउने सम्भावना कम रहेको बताए ।