आयोजक रसिया र स्वीडेनलाई रोक्दै क्रोएशिया र इङ्ल्याण्ड सेमिफाइनलमा

आयोजक रसिया र स्वीडेनलाई रोक्दै क्रोएशिया र इङ्ल्याण्ड सेमिफाइनलमा

१०१ पटक पढिएको

विश्वकप फुटबल अन्तर्गत शनिबार भएको क्वाटरफाइनल खेलमा आयोजक रसिया र स्वीडेनलाई रोक्दै क्रोएशिया र इङ्ल्याण्ड सेमिफाइनलमा प्रबेश गरेको छ

क्वाटरफाइनल अन्तर्त हिजो पौने ८ बजे भएको इङ्ल्याण्ड र स्वीडेनबीचको खेलमा स्वीडेन २-० ले पराजित भएको थियो । स्वीडेनलाई हराउने क्रममा इङ्ल्याण्डले खेलको पहिलो हाफमा अग्रता लिएको थियो। उसको लागि म्याक्वायरले हेडमार्फत खेलको ३० औं मिनेटमा गोल गरे।

 

त्यसैगरी स्वीडेनलाई हराउने क्रममा दोश्रो गोल खेलको ६० औं मिनेटमा भएको थियो। डेलेले हेडमार्फत गोल गर्दै इङ्लिस टोलीको अग्रतालाई दोब्बर पारेका थिए। स्वीडेनले खेलमा फर्किनको लागि केगि गोल गर्ने अवसरको श्रृजना गरेको भएपनि उसलाई इङ्लिस टोलीले निरन्तर आक्रमण गर्दै रक्षात्मक खेल खेल्न बाध्य पारिदिएको थियो।

 

 

टाइब्रेकरमा ४-३ ले हराउदै क्रोएशिया सेमिफाइनलमा

त्यसै गरी आयोजक रसियालाई हराउँदै क्रोएशिया सेमिफाइनलमा प्रवेश गरेको छ। सेमिफाइनल प्रवेशका लागि क्रोएशियाले हिजो टाइब्रेकरसम्म कुर्नुपर्‍यो । उसले टाइब्रेकरमा रसियालाई उसको घरेलु मैदानमा ४-३ ले हराएको हो।

टाइब्रेकरमा रसियाले २ पेनाल्टी गुमाउन पुगेको थियो। निक्कै नै आक्रमक र प्रतिष्पर्धात्मक भएको हिजोको खेलमा रसियाले  गोल गर्दे अग्रता लिएको थियो।

खेलको ३८ औं मिनेटमा चेरिसेभले गोल गर्दै रसियालाई अग्रता दिलाएका थिए। तर उसको अग्रतालाई क्रोएशियाले खेलको ३९ औं मिनेटमा गोल गर्दै बराबरी गरिदियो। क्रोएशियाका लागि करामारिकले गोल गरेका थिए।

पहिलो हाफ १-१ को बराबरी खेलेका रसिया र क्रोएशिया दुबैले दोश्रो हाफमा गोल गर्न आक्रमण एकअर्काको पोस्टमा गरेपनि गोल गर्न असफल भए र खेल अतिरिक्त समयमा धकेलियो।

अतिरिक्त समयमा धकेलिएको खेलमा १०१ मिनेटमा डिडेले गोल गरे र क्रोएशियालाई अग्रता दिलाए। तर १ गोलबाट पछाडी परेको रसियाले यहि नतिजामा क्रोएशियालाई खेल सुम्पेन। उसले खेलको ११५ मिनेटमा बराबरी गोल फर्कायो र आफ्नो सेमिफाइनल प्रवेशलाई पुन: जीबित पार्‍यो। रसियाका लागि सो सञ्जिबनी गोल फर्नानडेजले गरेका थिए।

यसरी अतिरिक्त समयपनि २-२ गोलको बराबरीमा सकिएपछि खेल टाइब्रेकरमा पुग्यो।  टाइब्रेकरमा पुगेको खेलमा रसियाले घरेलु दर्शकलाई ३-४ को नतिजाले निराश पार्‍यो। नतिजा क्रोएशियाको पक्षमा गयो।

क्रोएशियाले सेमिफाइनलमा इङ्ल्याण्डसँग खेल्नेछ। फ्रान्समा सन् १९९८ मा भएको विश्वकपमा सेमिफाइनल यात्रा तय गरेयता क्रोएशियाको यो दोश्रो विश्वकप सेमिफाइनल हो। सो विश्वकपमा क्रोएशिया आयोजक फ्रान्ससँग पराजित हुँदै फाइनल पुग्न असफल भएको थियो। उसले नेदरल्यान्डलाई हराउँदै तेश्रो स्थानमा चित्त बुझाएको थियो।

सो विश्वकपमा क्रोएशियाका डाभोर सुकरले सर्वाधिक ५ गोल गर्दै गोल्डेन बुट जितेका थिए।

२० वर्षपछि क्रोएशिया फेरि सेमिफाइनल आइपुगेको छ। उ सँग आगामी बुधबार हुने खेलमा इङ्ल्याण्डलाई पन्छाउँदै विश्वकप फाइनलमा पुग्ने मौका आएको छ।

सेमिफाइनल प्रवेश गरेको इङ्ल्याण्ड र क्रोएशिया सेमिफाइनलमा एक अर्का संग भिड्नेछ।

आयोजक रसिया